1980च्या दशकात मुंबईत कापड गिरण्या बंद पडत होत्या आणि परिणामी अनेक तरुणांनी (अरुण गवळीसह) गुन्हेगारी विश्वात प्रवेश केला. मटका, जुगार, हप्ता वसुली यासारखा पैसे कमवण्याचा शॉर्टकट त्यांना सापडला.

बीआरए गॅंग म्हणून ओळखली जाणारी भायखळा कंपनी एकेकाळी दहशत पसरवत असे. रामा नाईक आणि इतर साथीदारांच्या मृत्यूनंतर अरुण गवळी यांनी गॅंगचा ताबा घेतला आणि दगडी चाळ येथून गुन्हेगारी कारवायांचे जाळे पसरवले.

1980च्या दशकात डॅडीला राजकीय आश्रय मिळाला जेव्हा शिवसेनाप्रमुख बाळासाहेब ठाकरे यांनी अरुण गवळी आणि सई बनसोड यांसारख्या हिंदू गुंडांवर कठोर कारवाई केल्याबद्दल मुंबई पोलिसांवर टीका केली होती.

अखिल भारतीय सेना हा स्वतःचा राजकीय पक्ष स्थापन करत 2004 मध्ये चिंचपोकळी मतदारसंघातून आमदार म्हणून निवडून आले. भीतीपोटी कुठलाच साक्षीदार त्यांच्याविरुद्ध साक्ष द्यायला तयार होत नव्हता.