चैत्र नवरात्रीची सुरुवात चैत्र प्रतिपदेपासून केली जाते. चैत्र शुद्ध प्रतिपदा ते चैत्र शुद्ध नवमी या काळात चैत्र नवरात्र साजरी केली जाते. चैत्र नवरात्र साजरे करण्याचे उद्देश वेगवेगळे मानले जातात.

चैत्रप्रतीपदेला दुर्गादेवी प्रकट झाली होती आणि दुर्गादेवीच्या सूचनेनुसार ब्रह्मदेवांनी सृष्टीची रचना केली होती. या दिवशी हिंदू नववर्ष म्हणजेच गुढीपाडवा देखील साजरा केला जातो.

शारदीय नवरात्रीचा उत्सव अश्विन महिन्याच्या शुक्ल पक्षाच्या प्रतिपदा तिथीपासून नवमीपर्यंत साजरा केला जातो. घटस्थापनेने सुरुवात होऊन शेवटचा दिवस विजयादशमी म्हणून साजरा केला जातो.

विजयादशमीच्या दिवशी माता दुर्गेने महिषासुराचा वध केला आणि भगवान श्रीरामाने रावणाचा वध केला होता. म्हणून शारदीय नवरात्रि हा पूर्णपणे शक्तीच्या उपासनेचा दिवस मानला जातो.