व्यास ऋषी समाजाचे खरे गुरु होते. परंपरेप्रमाणे व्यास पूजेला गुरुपूजा मानली गेली आणि व्यासपौर्णिमा ही गुरुपौर्णिमा म्हणून साजरी होऊ लागली. गुरु म्हणजे जो लघु नाही आणि जो लघूला गुरु बनवतो तो.

जी व्यक्ती जीवनाला मनाच्या ताब्यात जाऊ देते तो लघु आणि जो मनाचा स्वामी होतो तो गुरु. जीवनाच्या निसरड्या प्रवाहातही जो स्थिर उभा राहू शकतो तो गुरु. गुरुपूजन म्हणजे ध्येय पूजन. 

ज्ञानाचा सूर्य, प्रेमाचा महासागर आणि शांतीचा हिमालय अशा गुरुचे या दिवशी पूजन करायचे असते. गुरु पूजन म्हणजे सत्याचे पूजन. गुरु पूजन म्हणजे सद्गुरुचे पूजन.